കൊച്ചി: 10 മിനിട്ട് ഡെലിവറി എന്ന അതിവേഗ സേവനത്തിന്റെ പേരില് റോഡ് സുരക്ഷാ മാനദണ്ഡങ്ങള് ലംഘിക്കപ്പെടുന്ന സാഹചര്യത്തില് ഓണ്ലൈന് ഡെലിവറി കമ്പനികള്ക്ക് മോട്ടോര് വാഹനവകുപ്പ് കാരണംകാണിക്കല് നോട്ടീസ് നല്കി.
റോഡ് സുരക്ഷാ മാനദണ്ഡങ്ങള് ലംഘിച്ചതായി കണ്ടെത്തിയ സ്ഥാപനങ്ങള്ക്കെതിരേയാണ് നടപടി. നിശ്ചിത സമയത്തിനുള്ളില് സാധനങ്ങള് എത്തിക്കണമെന്ന കമ്പനികളുടെ കടുത്ത സമ്മര്ദം മൂലം ഡെലിവറി ഏജന്റുമാര് അമിതവേഗത്തിലും അശ്രദ്ധമായും വാഹനമോടിക്കുന്നതായി കണ്ടെത്തിയിട്ടുണ്ടെന്ന് എന്ഫോഴ്സ്മെന്റ് റീജണല് ട്രാന്സ്പോര്ട്ട് ഓഫീസര് പറഞ്ഞു.
സിഗ്നല് ലംഘനം, തെറ്റായ ലെയ്ന് മാറ്റം, സുരക്ഷാ ഉപകരണങ്ങള് ഉപയോഗിക്കാതെയുള്ള യാത്ര എന്നിവ റൈഡര്മാര്ക്കിടയില് പതിവാകുന്നത് വലിയ അപകടഭീഷണിയാണ് ഉയര്ത്തുന്നത്.
അതിവേഗ ഡെലിവറി സംവിധാനം റോഡ് സുരക്ഷയെ ബാധിക്കില്ലെന്ന് എങ്ങനെ ഉറപ്പാക്കുന്നുവെന്നും റൈഡര്മാരുടെ സുരക്ഷയ്ക്കായി സ്വീകരിച്ച നടപടികള് എന്തൊക്കെയെന്നും വിശദീകരിക്കാന് കമ്പനികളോട് നോട്ടീസില് ആവശ്യപ്പെട്ടിട്ടുണ്ട്.
സമയം ജീവനേക്കാള് പ്രധാനമാണെന്ന തെറ്റായ സന്ദേശമാണ് ഇത്തരം ബിസിനസ് മാതൃകകള് നല്കുന്നതെന്ന് മോട്ടോര് വാഹന വകുപ്പ് വൃത്തങ്ങള് നിരീക്ഷിച്ചു.
E-paper LOGIN
LOGIN
